Conservadorismu social

El conservadorismu social o socialconservadurismu ye esa parte del pensamientu conservador que se refier a la ideoloxía o una creencia personal, que suxure que l'individuu ye un ente eminentemente social y que, como tal, nun puede ser concebíu sinón en rellación a una comunidá, especialmente a los aspeutos morales y estructurales d'ésta.

Xeneralmente esa moralidá ye concebida, dende esti puntu de vista, como anterior a la sociedá mesma -nel sentíu que la moralidá constitúi les bases de toa agrupación humana estable- y establecida yá seya pol desenvolvimientu históricu d'un pueblu o nación, pola relixón o un amiestu ente dambes (nel sentíu que toa perceición y vivencia relixoses aniciáronse históricamente en ciertos llugares y feches).